www.shahtinsk.gov.kz ШАХТИНСК ҚАЛАСЫ ӘКІМДІГІНІҢ РЕСМИ ИНТЕРНЕТ – РЕСУРСЫ
Мысалы: Қаржылар
Баннер Баннер Баннер Баннер Баннер

Облыс жаңалықтары

11 Қаңтар 2019
Жезқазған қаласының «Алаңым» жастар театры 2018 жылы үш қалада гастрольде болып қайтты

Жезқазғанда «Алаңым» атты жастар театры құрылып, сәтті дамып жатыр. Труппада кәсіби әртістер жоқ. Спектакльдерде түрлі мамандықтағы жастар, оқушылар мен студенттер ойнайды.

«Алаңым» театры Жезқазған қалалық әкімдігінің қолдауымен 2017-ші жылы әлеуметтік жоба ретінде құрылған болатын. Қазір труппа құрамында 12-ден 29-ға дейінгі жас аралығындағы 78 адам бар. Театр жетекшісі - Әсем Асанханова, бас режиссёр - Жасұлан Түсіпбеков.

- Біздің өнер ошағы театр сүйер жастардың екінші шаңырағына айналды. 2018 жыл біздің ұжым үшін өте қарқынды өтті. Біз гастрольдермен үш қалада болып қайттық – Астанада, Қарағандыда және Павлодарда. Барлық жерде бізді өте жылы қабылдады. Алдағы уақытта да осылай жұмысымызды жалғастырып, жаңа дүниелер жасап, көрермендерімізді таңқалдыруды жоспарлап отырмыз, - дейді Әсем Асанханова.

Құрылғаннан бері театр көрермендер назарына «Айман-Шолпан», «Құстар фестивалі», «Мир моды», «Услышь меня», «Жаралы гүлдер», «Женитьба султана» спектакльдерін ұсынған.

- Жаңа бір туындыны жасай отырып, қоршаған әлемді өзгерте отырып адамдар үздіксіз дамиды және өздері де өзгереді. Мен де сол сияқты «Алаңым» театрына келіп қатты өзгердім, - дейді жастар театрының актёрі Қуаныш Егіншібеков.

Жас әртістер түрлі жанрларды меңгеруде - буффонад, мюзикл, драма, трагедия, комедия, фарс, феерия және тағы басқаларын.

- Осы бағыттардың белгілі біреуі екіншісіне қарағанда маңыздырақ деп айтуға болмайды. Барлық жанрлар маңызды, себебі қандай да бір дәрежеде театр өнерінің дамуына әсер еткен, - дейді Әсем Асанханова.

Жастар театрын құру туралы ой пайда болған бетте, барлық оқу орындарында, жастар жұмыс істейтін ұйымдарда труппа шақыру туралы xабарламалар жариялана бастады.

- Бұл қазіргі таңда дәстүрге айналды: біз театр өнеріне қызығушылық танытатын жастарды қабылдаймыз. Олар тек актёрлік шеберлікті меңгеріп қана қоймай, спектакльдерде рөлдерді орындауды армандайды. Біздің жастар театрының ауқымдылығы қазіргі щаманғы жастардың барлық шығармашылық қырларын қамтиды, - деп есептейді Әсем Асанханова. 


Вернуться назад


Аймақтың барлық жаңалықтары karaganda-region.kzсайтында

Жаңалықтар лентасы

Ауа-райы

Шахтинскта ашық 1°C , ылғал 88%, қысым 714, жел 4 м/с

Валюта бағамдары

USD 378.66
Euro 431.56
Рубль 5.70

Дауыс беру

VI шақырылым депутаттарының қызметімен Сіз қанағаттанасыз ба?
Күнтізбе Жаңалықтар таратулар Мұрағат қарау
Система Orphus
© 2007-2019 Шахтинск қаласы әкімдігінің ресми интернет-ресурсы Сайт материалдарын пайдаланғанда ақпарат алған көзге сілтеме жасау міндетті
Яндекс.Метрика
© 2019 Әзірлеуші және қолдаушы: «Creatida» интернет-компаниясы
Басты парақ
Кері
Қаз Рус Eng Жоғары